Автоимуната болест е состојба во која вашиот имун систем го напаѓа вашето тело. Со оглед на тоа дека автоимуните заболувања влијаат на различни делови на телото и симптомите не се секогаш еднакви, ниту со еднакво интензитет, на лекарите многу често им е потребно подолго време да дијагностицираат за која автоимуна болест станува збор.
Иако истражувачите не ја знаат точната причина за автоимуните заболувања, генетиката, исхраната, инфекциите и исложеноста на хемикалии може да бидат поврзани со нив.
Може да биде тешко да се дијагностицираат автоимуните болести
“Симптомите на автоимуните болести можат да бидат многу неспецифични и може да се појават поради многу причини, од кои не сите укажуваат на болест. Понекогаш симптомите на некоја автоимуна болест може да бидат нејасни“, вели д-р Суман Радакришна, директор на медицинскиот центар Dignity Health во Калифорнија и објаснува дека овие болести, покрај на физичкото здравје, можат да влијаат и на менталното здравје. Тие исто така го зголемуваат ризикот од срцеви заболувања, мозочен удар, бубрежни заболувања, белодробни заболувања и рак.
Кој е во опасност од ризик од автоимуна болест?
Д-р Радакришна објаснува: “Некои од факторите на ризик за автоимуни болести вклучуваат женски пол (80 проценти кај жените), генетика (други членови на семејството со поголема веројатност да имаат автоимуни болести), претходна дијагноза на автоимуни болести (лупус, ревматоиден артритис), одредени инфекции (Епштајн Баров вирус, КОВИД, инфекција стрептокок од групата А), дебелината, пушењето и изложеноста на токсини, лекови (одредени лекови за крвен притисок, лекови за холестерол, антидепресиви итн.)
Како автоимуната болест може да влијае на секојдневниот живот
“Да, автоимуната болест може да влијае и на квалитетот на здравјето, како и на целокупното здравје. Болка, замор, губење на апетит, гадење и повраќање, како и треска може да направат лицето да се чувствува исцрпено и неспособно да работи и извршување на секојдневните активности“, вели д-р Радакришна, додавајќи дека може да предизвика оштетување на органите, како што се бубрезите, мозокот и зглобовите.
СИМПТОМИ
- Замор
Овој симптом е многу тешко да се квалификува и постојат многу причини за замор што не може да се препишат на автоимуните болести. Недостаток на сон, стрес – го доживуваме физички и психички и обично состојбата се подобрува откако ќе се отстрани стресот и ќе се поправи дефицитот на спиење. Меѓутоа, ако заморот продолжи, најдобро е за тоа да разговарате за со вашиот матичен лекар, објаснува лекарот.
- Болка во зглобовите и отоци
“Болките во зглобовите и отоците, кои често се чувствуваат во рацете и големите зглобови, може да укажуваат на автоимуна болест“, објаснува д-р Радакришна. Како чести потешкотии ги наведува вкочанетоста која се јавува наутро и се подобрува во текот на денот, а како необични ги наведува потешкотиите при држење на четката за заби и чешлање на косата.
- Осип
Осипот на кожата може да се ограничи на делови изложени на сонце или може да биде насекаде низ телото. Може да биде налик на псоријаза, периодично или константно. Ако забележите осип што се повторува или трае, разговарајте со вашиот лекар.
- Гастроинтестинални заболувања
Абдоминална болка и дигестивни проблеми, вклучувајќи дијареа и запек, гадење, повраќање и губење на апетит може да бидат многу чести поради воспаление на гастроинтестиналниот тракт. Последица може да биде и промена во телесната тежина.
- Треска и отечени жлезди
Повремена треска и отечени жлезди се неспецифични симптоми, вели д-р Радакришна и советува да се посети лекар доколку се повторат.
