Постојат неколку видови хормони кои управуваат со нашата желба за храна, па доколку нагло се здебелите, потребно е најпрво да ги проверите хормоните за да бидете сигурни дека тие нормално функционираат. Освен регулирањето на исхраната, и редовното вежбање и добриот сон се значајни за регулирање на хормоните.
Инсулин, хормон за „складирање“
Овој хормон и помага на глукозата да согори и да се претвори во енергија. Проблемот настанува кај хронично зголемениот инсулин, отпорноста на инсулин, метаболичкиот синдром и зголеменото чувство на глад и потреба за храна. Во тој случај, треба да се намали внесот на јаглехидратите, а да се зголеми внесот на протеини и масти. Важно е да се исфрли фруктозата, која се поврзува со дебелината и со инсулинската резистенција.
Грелин, хормон на гладта
Се ослободува кога желудникот е празен и престанува после оброкот. Одговорен е за чувството на глад, бидејќи го стимулира центарот за апетит во мозокот. Проблемот настанува кога грелинот не се намалува и после оброкот, поради што мозокот не прима сигнали дека треба да престанете со јадење. Во тој случај потребно е да се избегнуваат бели јаглехидрати, шеќер и благи напитоци кои го зголемуваат чувството на глад без ширење на желудочниот ѕид. Треба да јадете протеини, многу влакна и волуменозна храна за да се создаде чувство на ситост.
Лептин, хормон за ситост
Овој хормон му сигнализира на мозокот дека потребите на организмот се подмирени и дека треба да го намалите внесот на храна, со што го спречува прејадувањето. Вишок лептин може да развие отопрност и да предизвика негова резистенција. Мозокот тогаш ги игнорира сигналите за ситост, оставајќи не гладни, дури и по оброкот. Поради тоа треба да се избегнува храна кој поттикнува воспаление и обезбедува доволен внес на омега-3 масни киселини. Треба да се внимава на квалитетот на сонот, бидејќи недостатокот на сон е поврзан со падот на нивото на лептин.
Кортизол, хормон на стресот
Кортизолот е хормон на стрес што го произведува надбубрежната жлезда како одговор на телото на опасност или траума. Може да ја поттикне желба за јаглехидрати или нездрави масти. Поради тоа треба да го контролирате нивото на овој хормон преку медитации, вежби за телото и добар сон. Треба да се консумираат три балансирани оброци дневно, составени од протеини, масти, влакна и лиснат зелен зеленчук.
Пептид – хормон на „контрола“
Тоа е контролен хормон во гастроинтестиналниот тракт кој го намалува апетитот. Инсулинската резистенција и хронично зголеменото ниво на шеќер во крвта го намалуваат производството на овој хормон, додека одржувањето на шеќерот во крвта, храната на база на протеини и влакна ја зголемуваат чувствителноста на пептидот и неговото производство.
