- ДОМАТИ
Ликопенот е антиоксидант за кој многу студии покажале дека организмот најдобро го апсорбира кога е варен, така што консумирањето на сос од домати и кечап е многу поефективно отколку јадењето сурови домати.
- БРОКУЛА
Ако ја варите, нека биде што е можно пократко и на пареа, додека како сурова можете да ја подготвите како салата: Добро измијте ја, исечкајте ја на мали парчиња и зачинете со малку маслиново масло, сок од лимон и лук.
- КАРФИОЛ, КЕЉ, ПРОКЕЉ
Прокељот е богат со витамин Ц, Б6 и фолна киселина. Се приготвува на пареа, најдобро пет минути и добро е да се зачини со малку маслиново масло, кое ја подобрува апсорпцијата на каротеноидите лутеин и зеаксантин во организмот. Не треба да го јадете суров, бидејќи може да предизвика надуеност и гастритис. Но, ни варените на пареа не се добри во големи количини, бидејќи може да предизвикаат хипотироидизам или забавена работа на тироидната жлезда.
- СПАНАЌ
Суров може да поттикне производство на камења во жолчното ќесе и бубрезите, па треба да се внимава. Со готвењето кај спанаќот се постигнува апсорпција на повеќе железо, калциум и магнезиум. Гответе го исклучиво на пареа.
- КРОМИД
Најздрав начин на консумација на кромидот е да се јаде суров. Ако го готвите, ќе изгубите најголем дел од алицинот, фитонутриент, кој ни помага да го држиме апетитот под контрола.
- МОРКОВИ
Ако ги јадете сурови, организмот ќе апсорбира повеќе калиум, калциум, железо и цинк. За време на готвењето се губат полифенолите, состојки кои имаат антиоксидативен ефект и го штитат телото од болести и стареење.
- ЦВЕКЛО
Познато е дека делува против голем број болести, вклучувајќи ги сите форми на анемија, артериосклероза и маснотии во крвта, ги спречува инфекциите и штити од слабокрвност и заболувања на црниот дроб. Здравствените придобивки од цвеклото се однесуваат само на суровото цвекло, додека вареното нема лековити својства.
- ПИПЕРКИ
Суровите пиперки имаат двапати повеќе витамин Ц од портокалите, но витаминот Ц е нестабилен на топлина, па готвењето резултира со опаѓање на нивото на хранливи материи. Сепак, ако лесно ја проварите зелената бабура пиперка на пареа, ќе се зголеми способноста да се врзе жолчната киселина за време на варењето, а тоа ќе помогне да ги исфрлите отровите од телото.
- ЗЕЛКА
Добро е да се консумира на двата начина, со тоа што за зелката важи правилото дека не смее долго да се вари, бидејќи во тој случај значително ги губи антиканцерогените својства.
- ПЕЧУРКИ
Содржат агаритин, токсично соединение за кое се верува дека е канцерогено, па задолжително треба да се зготват, односно сварат или барем да се исушат. Еднаш варените печурки не е добро да се подгреваат.
