Нема сомнеж дека смутито (мелена мешавина на различно овошје и зеленчук) е здраво. Поради течната конзистенција многу брзо се вари, така што и многу брзо се огладнува.
Еве што може да се промени за таа ситуација.
Течните оброци и вообичаено помалку можат да заситат од цврстите, оти поради големиот процент на вода, се варат многу побрзо. А, комбинацијата на овошје и зеленчук особено брзо се вари. Доколку за појадок земате само смути, многу е веројатно дека ќе огладнете многу пред ручекот и неминовно ќе посегнете за некоја грицка.
За смутито да може да ве засити до ручекот, неопходно е да додадете одредена количина на растителни влакна и масти.
Едно решение е лажица мелено ленено семе. Содржи само 37 калории, а има 2гр растителни влакна и 2гр исклучително здрави масти. И уште кога мелениот лен ќе дојде до контакт со течноста, ја впива и го зголемува волуменот. Сето тоа допринесува да од смутито се чувствувате многу посити, отколку да е само со содржина од овошје и зеленчук.
Многу сличен ефект се постигнува и со додавње на чиа семе во смутито. И чиата во контакт со течност се однесува исто како лененото семе – впива вода и неколкукратно го зголемува волуменот, а содржи и здрави масти и растителни влакна.
