Медицинското лице Валери Пагендарм е една од оние луѓе кои никогаш не се разболуваат или, ако веќе тоа им се случи, се соочуваат со блага форма на болест која ги „фаќа“ се на се само неколку пати во животот. Повеќето луѓе знаат барем една таква личност во нивната околина или семејство која изгледа „здрава како дрен“. Која е нивната тајна?
„Јас сум медицинска сестра и секој ден сум изложена на болести, но никогаш не сум болна. Моите пријатели ми завидуваат, но јас всушност некогаш сонувам за денови на боледување“, вели Валери. Таа не знае што е одговорно за силниот имунитет што го има, но научниците открија која е тајната на луѓето како неа, пишува NBC.
Во интригантните истражувања тие успеаја да го изолираат биолошкиот маркер, кој, се чини, дека може да биде показател за тоа кои луѓе се најчувствителни на зараза со најчестите форми на болести – настинка и вироза.
„Тој маркер е многу стабилен показател за нечиј имунитет веќе од младешкиот период, некаде од 18 години“, објаснува преводникот на студијата Шелдон Коен.
Во истражувањето субјектите пред да бидат изложени на вируси дале примероци на крв за анализа, а кај оние „поотпорните“ е забележана разликата на теломерите. Значи, ако сте и вие еден од таквите среќници, веројатно, е дека имате ист маркер на имунитет
Покрај тоа, научниците прегледале и низа на истражувања на тема имунитет и откриле дека дефинитивно постојат навики кои го подигнуваат, односно го прават поединецот поотпорен на болести.
Ова се некои од нив:
- имаат редовни хигиенски навики за миење раце,
- редовно вежбаат и се движат,
- добро поднесуваат стрес, односно ефикасно го „испукуваат“,
- спијат најмалку 7 часа на ден,
- јадат разновидна исхрана,
- не внимаваат претерано во однос на некои работи (не избегнуваат ладни пијалаци, температурни промени),
- редовно се дружат со други луѓе,
- внесуваат храна богата со витамин Б или земаат додаток на овој витамин,
- јадат добро зачинета храна,
- умерено пијат алкохол,
- се тушираат со млака/ладна вода.
