Допаминот е хормон, кој меѓу другото, влијае на чувството на задоволство, среќа, но и на мотивацијата. Доколку ви недостасува поттик да одите напред, не грижете се. Спасот ќе го најдете во храната!
Големиот невротрансмитер, допаминот влијае на мотивацијата, продуктивноста и фокусот. Поради начинот на живот, овој хормон кај луѓето најчесто е на ниско ниво, што предизвикува бројни тегоби како замор, апатија, несоница, губење на помнењето и лоша концентрација. За среќа, постои природно решение за зголемување на нивото на допамин.
Храна која содржи допамин
Самите намирници, кои во својот состав имаат хормон на задоволство, како банана, брокула, компири и домати, не може значително да влијаат на зголемено лачење на допамин во организмот. За тоа е потребна храна која содржи аминокиселина – тиросин, која влијае на самата синтеза на допаминот. Покрај храна богата со протеини (на прво место месото), тука спаѓаат и бадеми, јаболки, авокадо, чоколадо, кафе, овесни каши и оригано.
Исто така, намирници кои влијаат на синтезата на допаминот се и маслиновото масло, рузмаринот, семките од тиква и лубеница.
