Добрата циркулација е многу важна бидејќи овозможува подобар пренос на кислород и хранливи материи до ткивата во телото, го елиминира јаглеродниот диоксид и отпадните производи од ткивата, а потребна е и за одржување на животот и унапредување на здравјето на сите ткива во телото.
Иако е неопходно, понекогаш крвта не тече правилно низ телото, и до тоа може да дојде поради бројни фактори како што се пушење, висок крвен притисок, дијабетес и бројни други работи.
Меѓутоа, постојат начини да се подобри циркулацијата на крвта. Некои од нив вклучуваат истегнување, менаџирање на стресот, вежбање и консумирање на одредена храна и пијалаци.
Цвекло
Вообичено во многу “енергетски“ напивки, цвеклото е познато по своите енергетски својства, вели диетологот Сидни Грин. Цвеклото содржи нитрати кои помагаат во подобрување на циркулацијата на крвта кога во телото се претвораат во азотен оксид, што помага да се прошират крвните садови.
Зеленчук со зачини
Диетологот Ејми Гудсон им предлага оние кои сакаат да ја подобрат циркулацијата да се фокусираат на диетата “DASH“, бидејќи таа е дизајнирана да го намали крвниот притисок и да ја подобри циркулацијата.
Таа ја објаснува дека ова диета препорачува консумирање на четири до пет порции зеленчук дневно. “Зеленчукот е богат со хранливи материи и нема натриум, што е вообичаен факто кај вискиот крвен притисок и со самото тоа нездрава циркулација на крвта“, објаснува Гудсон.
Ако сакате да го подобрите вкусот, користете билки и зачини, наместо сол.
Ореви
“Богати со омега-3 масни киселини, се покажа дека оревите помагаат во намалување на крвниот притисок што може да помогне при протокот на крвта“, вели Грин.
Таа вели дека оревите сеи добар извор на витамин Е, кој функционира како антиоксидант и може да помогне во ендотелната функција – ослободувајќи супстанци кои ја контролираат васкуларната релаксација и контракција, како и ензимите кои го контролираат згрутчувањето на крвта, имунолошката функција и адхезијата на тромбоцитите.
