Првата асоцијација за храна која предизвикува надуеност и гасови се гравот и мешункастите плодови. На сите кои страдаат од надуеност им се советува да избегнуваат, освен грав, и леќа, леблебија и боранија. Сепак, одредени видови мешунки како што е младиот грав, грашок, црвената и жолтата леќа, доколку соодветно се измијат и доколку водата во која што се варат неколкупати се промени, може да го намалат чувството на надуеност кога се консумираат. Исто така, за намалување на оваа тегоба, кога се подготвува јадење од мешунки се препорачува во водата да се готви заедно со комбу алги, ким или анасон. Помага и пасирањето на мешунките во пире или крем супи.
Друга голема група растителна храна која предизвикува подуеност се кељот, зелката, прокељот, карфиолот и брокулата. Тие исто така се препорачува да земаат умерено, според индивидуалната толеранција.
И газираните пијалоци богати со шеќер може да предизвикаат подуеност во стомакот. Генерално, сите слатки, сладолед и други производи со многу шеќер не се препорачуваат кај луѓето со осетлив стомак.
Брзата храна, богата со лоши масти и шеќери има негативен ефект врз варењето и може да предизвика појава на надуеност.
Надуеност може да предизвика и секојдневната храна, како лебот и млекото. Бел леб, кифлички, пити и други тестенини од бело пченично брашно им пречат на луѓето нетолерантни на глутен, а млекото, најверојатно, ќе предизвика проблеми со луѓето кои имаат нетолеранција на лактоза.
Што препорачуваат докторите?
Да се користат пробиотици, особено соевите Lactobacillus plantarum, за кои се покажало дека се ефикасни во намалувањето на подуеноста. Дополнително, може да се користат и пробиотичните препарати со повеќе бактериски соеви, во континуиран период од неколку месеци.
За да се намали подуеноста, помагаат и секојдневните прошетки, редовното вежбање и редовните оброци кои се конзумираат во мир и со бавно џвакање. Така се намалува ризикот недоволно изџвакана храна да влезе во дигестивниот систем која не може адекватно да се измеша со ензимите за варење и заради тоа претставува голем товар на дигестивниот систем.
