Во последните години кокосовото масло благодарение на единствената комбинација на масни киселини стекнало статус на суперхрана. Маслото од кокос содржи здрави заситени масти кои брзо им обезбедуваат на мозокот и телото енергија и го поттикнуваат догорувањето на мастите во организмот. Станува збор за масни киселини кои директно се преработуваат во црниот дроб, каде веднаш се претвораат во енергија.
Интересно е дека кај жителите на некои од островите во Јужниот Пацифик кокосот и производите од кокос сочинуваат и до 60 проценти од дневниот калориски внес, како и дека овие жители се со одлично здравје и дека имаат ниска стапка на срцеви болести.
Позитивни ефекти на кокосовото масло врз здравјето им се припишуваат на средноланчаните масни киселини како што се каприлната, капринската и лауринската киселина, кои нашето тело полесно ги вари и не ги претвора лесно во масни наслаги. Во едно истражување е потврдено дека луѓето кои јадат повеќе средноланчани масни киселини внесуваат помалку калории во текот на денот, како и дека во таа прилика се зголемува дневната потрошувачка на калории и за 5 проценти. Заради ова кокосовото масло би можело да им помогне на личностите кои сакаат да ослабат.
Благодарение на споменатите масти кокосовото масло, исто така, поседува и силно фунгицидно, антибактериско и антивирусно дејство. Кога станува збор за кардиоваскуларното здравје некои постари истражувања покажале дека лауринската киселина во кокосовото масло го зголемува нивото на „добар“ ХДЛ холестерол, кој го отстранува вишокот на холестерол во крвта и го држи нивото на „лошиот“ ЛДЛ холестерол под контрола.
