Косата е витален дел од идентитетот на многу луѓе, кои грижата за неа ја сфаќаат лежерно. Сепак, мошне е важно да се знае колку често навистина е потребно и здраво да се мие косата. Косата се масти заради насобирање на себумот, кој овозможува полесно соединување на нечистотијата и прашината. Се испира со шампон, меѓутоа шампонот не е добро секогаш да се користи. Постои и разлика во видот на коса, било да се работи за виткана, рамна, тенка или густа коса – секоја е различна и бара различен вид нега.
Со оглед на тоа дека витканата коса е погуста, но и заради обликот на влакната, не овозможува себумот толку лесно да се создава, па автоматски и почесто е сува за разлика од останатите видови коса. Затоа потенката, рамна коса е потребно да се мие почесто, додека густата и виткана би требало да се мие на отприлика секои три дена.
Добар просек би било миењето коса два пати неделно, но доколку имате исклучително долга, густа и виткана коса, еднаш неделно би било сосема доволно – на тој начин би се спречило кршење на влакната, затоа што тој тип коса инаку е сув.
Во последно време се погласни се уверувањата дека шампонот генерално штети и дека би било идеално воопшто да не се користи. Тој, предупредуваат стручњаците, од влакната го отстранува слојот масло, а кожата на главата реагира така што произведува повеќе себум, па се се врти во круг во кој косата е се помасна, но и пооштетена.
