Колку време е потребно да се инфицирате, ако сте близу до некој кој има коронавирус? За жал, нема магичен број на минути.
Американскиот центар за контрола и превенција на болести (CDC) неодамна да ревидира дефиницијата за близок контакт. Претходно, за близок контакт се сметало лице кое поминало најмалку 15 минути на оддалеченост помала од два метри од заразено лице.
Сега тие минути не мора да бидат постојано, во континуитет, односно за близок контакт се смета лице кое било на оддалеченост помала од два метри од заразено лице, минимум 15 минути во рок од 24 часа.
Овој податок е променет, откако чувар во затвор во САД се инфицирал со коронавирус, по повеќекратни, но куси контакти со шестмина асимптоматски затвореници. Тој во својата осумчасовна смена имал 22 средби со заразени лица во вкупно траење од 17 минути.
Значи ли тоа дека сте безбедни ако поминете помалку од вкупно 15 минути во близина на заразено лице? За жал, не нужно.
Петнаесет минути е само насока.
“Сакате да дадете некои широки насоки кое е лесно да се запомнат, но тоа е всушност континуитет. Ризикот може да ви биде помал во подолг период, а поголем во пократок. Многу варијации влијаат на количината на вирусот што некој ја прима, а тоа е всушност најважното“, вели Нил Голдстеин, професор по епидемиологија на Универзитетот Дрексел во Филаделфија.
Освен времето на изложеност на вирусот, важно е и дали заразеното лице има симптоми, дали воопшто ги имала или ги равила подоцна, дали сте биле на отворено или во затворен простор, какво било проветрувањето на прсторот, колку луѓе биле присутни и што сте правеле.
На пример, ако сте седеле и сте пееле во дневната соба на својот пријател, наместо без зборување да сте седеле во парк, расте ризикот да се заразите во покус период.
Дефиницијата за близок контакт не се менува ако притоа сте носеле маски, но тоа не е затоа што не се корисни во првенција од инфекцијата, туку Центарот не ги зема предвид едностано затоа што многумина не ги носат правилно.
