Во изминатите два дена, потврдени се три случаи на повторна зараза со новиот коронавирус, еден во Хонг Конг и два во Европа, што го поставува прашањето за тоа колку долго трае имунитетот на вирусот.
Случаевите забележани во Белгија и во Холандија пријавени се откако во Хонг Конг во понеделникот беше објавено дека еден пациент повторно се заразил со друг сој на вирусот, четири и пол месеци откако официјално му било утврдено дека се опоравил од КОВИД-19, што беше и првиот таков документиран случај.
И претходно имаше информации за нови појави на вирусот, односно симптоми на КОВИД-19 кај лица кои претходно се опоравиле од болеста и биле негативни на тестовите, но само кај овие три случаи со генетска анализа е итврдено дека повторната зараза е резултат на гентски поинаков вирус во однос на оној кој ја предизвикал првата зараза, па така е исклучена можноста да станува збор за рецидив на правта болест.
Појавата на повторно заразување ја доведува во прашање ефикасноста на потенцијалните вакцини против вирусот, кој досеха однесе стотици илјади човечки животи во светот, иако стручњаците напоменуваат дека стравот ќе биде оправдан само ако се случат многу повеќе реинфекции.
Белгискиот виролог Марк Ван Ранст вели дека во Белгија се работи за пациентка која со КОВИД-19 прв пат се заразила во март, па потоа повторно во јуни.
Тој очекува и нови случаи на реинфекција.
“Не знаеме дали ќе бидат во голем број. Мислам дека веројатно нема, но тоа допрва ќе го видиме“, вели Ранст, истакнувајќи дека болеста владее помалку од една година.
“Можеби вакцинацијата ќе мора да се повторува секоја година, или во рок од две или три години. Меѓутоа, се чини дека е јасно дека нема да имаме нешто кое ќе штити, да кажеме 10 години“, додава тој.
Ранст објаснува дека во случаевите како што е белгиската пациентка, која имала релативно благи симптоми, телото можеби не создало доволно антителаза да спречи повторна зараза, иако тие можеле да помогнат во ублажување на болеста.
Досегашните истражувања спроведени над лица кои се опоравиле од КОВИД-19, сугерираат дека имунитетот трае неколку месеци.
Националниот институт за јавно здравје во Холандија исто така објави дека забележал случај на повторна зараза со коронавирус кај холандски пациент. Вирологот Марион Копманс вели дека станува збор за повозрасно лице со ослабен имун систем.
Според неа, подобро се познати слуачи на лица кои биле долго болни од коронавирусот и кај нив болеста повторна се разгорела.
Но, вистинска повторна зараза, како во споменатите три случаи, мора да биде потврдена со генетско тестирање на вирусот во првата и втората зараза, за да се утврди дали вирусите се разликуваат.
Копманс вели дека повторни зарази со вирусот биле очекувани.
Портпаролот на СЗО, Маргарет Харис во врска со случајот во Хонг Конг вели дека, иако такви неофицилајни информации се појавуваат од време на време, важно е таквите случаи добро да се документираат.
Но, Дејвид Стреин, висок член на Британското здружение на лекари, вели дека појавата на вакви случау загрижува од повеќе причини.
“Првата причина е тоа што ова сугерира дека претходните зарази не нудат заштита, а втората е што може да биде можно вакцините да не нудат надеѓ каква што сите очекуваме“, вели тој.
