Емфиземот е можна смртоносна белодробна болест која се одликува со се поголемо губење на еластичноста на белите дробови и предизвикуа хронично благо кашлање и задишаност. Иако цела низа причинители, вклучувајќи ја наследноста, нелекувањето и однапред присутна хронична болест како астмата, може да одиграа значајна улога во неговиот развој.
Но, емфиземот главно е последица на долгорочно претерано пушење.
Во многу случаи заболените од емфизем исто така патат од хроничен бронхитис што ги објаснува некои преклопувачки симптоми. Во САД од емфизем умираат многу повеќе луѓе од било која друга болест на дишните патишта. До денес не е пронајден лек и никакво лекување не може да го поништи учинокот од емфиземот. Но, доколку се побара стручна лекарска помош во почетните стадиуми на болеста, нејзиното напредување може значително да се забави.
Емфиземот се јавува кога алвеолите кои се наоѓаат на краевите на дишните патишта длабоко во белите дробови се оштетуваат или зголемуваат. Здравите бели дробови содржат околу 300 милиони алвеоли, чија задача е да испорачуваат кислород во крвотокот и да се ослободат од вишокот јаглероден диоксид. Но, кога дишните патишта во белите дробови ќе се стиснат или оштетат, обично од пушење, дишењето станува потешко и бара напор. Долгите периоди на тешко дишење ги оптеретуваат белите дробови така што алвеолите се растегнуваат преку своите природни граници. Со тек на време ја губат својата природна еластичност и некогаш прскаат. Таквото оштетување не само што спречува ефикасно функционирање на алвеолите, туку тоа значително ја намалува површината и општата еластичност на белите дробови. Како емфиземот се развива болните често не се во состојба да направат и наједноставни вежби, како на пример да искачат 10 скалила а да не се задишат.
Емфиземот е најчест кај мажи на возраст од 50 и 70 години, кои со години многу пушеле, но болеста станува почеста и кај жени. Пациентите со емфизем особено се подложни на воспаление на белите дробови, бронхитис и други белодробни инфекции, како и тегоби со срцето и крвните садови.
СИМПТОМИ
Емфиземот со тек на времето полека напредува и често се заменува со друга болест, од астма до срцеви болести. Типичните симптоми на емфизем вклучуваат:
- Останување без здив кој со текот на годините се влошува
- Хронична блага кашлица, понекогаш проследена со мала количина на слуз
- Надуен граден кош со испапчена форма
