Британските власти потврдија постоење на нов сој на коронавирусот кој е откриен за време на проучување на геномот на вирусот кај пациенти од југоистчниот дел на Англија.
За време на пандемијата, воочени се различни соеви на КОВИД-19, но ова е прв пат да се сугерира дека мутацијата ги променила својствата на вирусот.
Новиот сој на коронавирусот, според информациите од британската влада, се шири помногу побрзо поради што во Лондон и на југоистокот на Англија се воведени нови, поригорозни мерки од четврти степен кои ќе останат да важат и за време на божикните празници.
Светска здравствена организација соопшти дека овој сој на коронавирусот е изолиран и во Данска, Холандија и Австралија.
ШТО ДОСЕГА СЕ ЗНАЕ?
- Здравствените стручњаци во Велика Британија и натаму имаат малку информации, но укажуваат дека вирусот многу побрзо се шири од другите соеви на коронавирусот. Британскиот премиер Борис Џонсон изјави дека се шири и до 70 отсто побрзо, но научниците допрва треба да ги потврдат бројките.
- Прелиминарната теорија на британските здравствени власти укажува дека новиот сој претрпел промени во протеинот кој се наоѓа во шилците на вирусот преку кои продира во клетките.
- Засега нема докази дека е посмртоносен од другите соеви на коронавирусот.
Во моментов, во Велика Британија се регистрирани само 1.000 случаи на новиот сој на коронавирусот – сите во југоисточниот дел, а се уште не е познато дали се проширил и на други делови во земјата.
- Италија, Холандија, Белгија, Бугарија и други земји поради тоа ги откажаат сите летови од Велика Британија. Можно е Белгија да забрани влез за државјани на Британија почнувајќи од 1 јануари. Чешка воведе поостри мерки на карантин за сите лица кои доажаат од Британија.
- За новиот сој на КОВИД-19, Лондон ја информираше Светската здравствена организација која соопшти дека ќе ги информира членките и јавноста што се знае за карактеристиките и импликациите за оваа варијанта на коронавирусот.
- Новиот сој на коронавирусот е пронајден и во Данска, Холандија и Австралија, велат од СЗО.
- Според тамошните стручњаци, Велика Британија утврдила постоење на нов сој на вирусот “уште во септември, кој и тогаш циркулирал на југоситокот на Англија“.
“Загрижени сме поради ширењето на вирусот поради фактот дека има многу мутации. Свесни сме дека новиот сој не предизвикува потешки случаи, според прелиминарните резулати, но студиите се во тек и допрва ќе ги видиме резултатите“, изјави Марија Ван-Керхов од СЗО, додавјаќи дека колку подолго овој вид се шири, има поголема можност да се промени и мора да се направи се да се спречи.
Новиот сој VUI – 202012/01, понекогаш наречен B.1.1.7, е верзија на SARS-CoV-2, вирусот што предизвикува КОВИД-19. Се смета дека е одговорен за значителниот пораст на стапката на инфекција со КОВИД-19 во Англија и тоа поради мутации на рецепторот шилец (spike), гликопротеин, кој се врзува на ACE2 рецепторите кај луѓето.
Досега се откриени повеќе од 4.000 мутации само кај гликопротеинот. Следењето на мутациите е вообичаен начин за следење на ширењето на вирусот. Покрај тоа што покажува, на пример, дека SARS-CoV-2 пристигнал во Велика Британија во повеќе од илјада одделни инциденти, покажува и дека варијантата со мутацијата G614 целосно ја заменила претходната D614.
