Воспалението на мочниот меур е една од најчестите инфекции кај жените. Една од две жени ќе страда од воспаление барем еднаш во животот. Осум пати е почесто кај жените отколку кај мажите, а овие се факти што секоја жена треба да ги знае за своето тело како и за “здодевните“ воспаленија на мочниот меур:
ШТО Е ВОСПАЛЕНИЕ НА МОЧНИОТ МЕУР?
Воспалението на мочниот меур е инфекција на кој било дел од вашиот уринарен тракт. Во повеќето случаи го зафаќа мочниот меур, и во тој случај се нарекува циститис. Но воспаление може да се појави и во бубрезите (нефритис) или уретерот (уретритис). Воспалението го предизвикуваат бактерии, најчесто од гастроинтестиналниот тракт. Понекогаш вагиналните бактерии можат да бидат виновници за воспаление (обично кога сте изложени на сексуално преносливи болести). Најчестиот виновник е Ешерихија коли, бактерија која нормално живее во гастроинтестиналниот тракт.
ЖЕНСКА АНАТОМИЈА
Една жена има три отвори. Од напред кон назад, првиот е отворот на уретрата (каде што истекува урината), вториот е вагиналниот отвор, а последниот е анусот. Овие три се толку блиску еден до друг што бактериите од последните два отвори имаат краток пат до отворот на уретрата. Земете го предвид и фактот дека женската уретра е релативно кратка, што е совршено сценарио за воспаление на мочниот меур.
ЗАЧЕСТЕНИ СИМПТОМИ
Воспалението на мочниот меур може да биде проследено со различни симптоми, од кои некои се:
- Болка во долниот дел од стомакот
- Чувство на итност
- Потреба за почесто мокрење
- Болка или пецкање при мокрење
- Урина со непријатен мирис или темна урина (иако редовно пиете вода)
- Покачена телесна температура (може да биде знак за бубрежна инфекција)
- Болка во долниот дел на грбот (исто сериозен симптом ако се појавува со покачена телесна температура)
