Ајварот речиси и да нема калории, па така со него не може да претерате! Нема ни некоја нутритивна вредност, затоа што се прави од печени или барени пиперки, што потоа се пржат, па во тие процеси пиперката ја губи сета своја вредност. Сепак, тој е одличен извор на влакна и е вистински деликатес.
Зеленчукот кој се става во зимницата термички се обработува, што доведува до губење на некои витамини, како што се Ц, Б и А, но и натаму остануваат минералите, влакната и фитонутритиентите кои се од голема важност за организмот.
На зелката со киселење и се подобрува нутритивната вредност.
Единствено на зелката при киселењето и се подобрува нутритивната вредност и се зголемува количеството на витамин Ц. Пробиотските култури кои природно се создаваат во зелката за време на ферментацијата се одлична одбрана за организмот на зима, затоа што сите во тој период јадеме потешка и помасна храна, а киселиот зеленчук ги разградува мастите и го забрзува варењето. Доколку патиме од хипертензија треба да внимаваме на количеството сол кое го додаваме во зимницата и дека обавезно треба да ја измиеме со вода за да ја извлечеме солта.
Внесот на овошје и зеленчук е од голема важност за чување на здравјето затоа што е богато со влакна, витамини, минерали и фитонутритиенти. Иако денес имаме можност да ги јадеме сите видови овошје и зеленчук во текот на целата гоидна, тоа сепак не е препорачливо. Намирниците кои не се сезонски, освен што се нутритивно посиромашни, често се и третирани повеќе отколку во сезона. Зеленчук и овошје е добро да се купува кога им е сезона, кога се нутритивно најбогати и тогаш да се замрзнуваат или да се прави зимница – ова се препораките на нутриционистите.
