За калориите…
Количеството на калории во намирниците е мерка за количната на енергија која се наоѓа во нив. Калориите се трошат при одење, размислување, дишење и останатите важни функции.
6 златни правила за здраво готвење
Во организмот дневно би требало да се внесат околу 2000 калории, но тоа зависи од различни фактори, како староста, полот и физичката активност. Мажите по правило треба да внесуваат повеќе калории од жените. Во продолжение следуваат препораките на Американскиот завод за агрикултура (УСДА) колку калории би требало да се внесуваат во организмот.
- Деца од 2 до 8 години: 1000 – 1400 калории;
- Девојчиња од 9 до 13 години: 1400 – 1600 калории;
- Момчиња од 9 до 13 години: 1600 – 2000 калории;
- Активни жени од 14 до 30 години: 2400 калории;
- Помалку активни жени од 14 до 30 години: 2000 – 3000 калории;
- Активни мажи и жени над 30 години: 2000 – 3000 калории;
- Неактивни мажи и жени над 30 години: 1600 do 2400 калории.
Извори на калории
Изворот на калориите е еднакво важен како и бројот на калории кои ги консумирате. Би требало да ја ограничите потршувачката на празни калории, што значи да ги исфрлите намирниците кои имаат мала или никаква прехранбена вредност. УСДА ги дефинира празните калории како калории кои доаѓаат од шеќерот и цврстите масти, како на пример, колбасите, колачите, сирењето, крофните, енергетските пијалаци, пицата, сладоледот…
Зошто е толку важна балансираната храна?
Нашето тело има потреба од одредени нутритиенти за правилно да функционира, без тоа телото е склоно на болести, инфекции, замор… Децата кои не се хранат правилно можат да имаат проблеми со развојот, а лошите прехранбени навики, веројатно, ќе ги негуваат и во текот на животот. Американскиот центар за наука објави 4 од 10 од главните причини за смрт во САД кои се предизвикани од неправилна исхрана:
- Болести на срцето и крвните садови;
- Рак;
- Инфаркт;
- Дијабетес.
Како да јадете здраво?
Јадете намирници кои не содржат премногу маснотии и шеќер, но се полни со витамини, минерали и останати нутритиенти. Медитеранската исхрана, секако, е една од опциите со која не може да згрешите. Овој вид исхрана вклучува висок внес на овошје, зеленчук, риба, маслиново масло и мал внес на црвено месо. Во пирамидата на овој начин на исхрана темелот го држат овошјето, зеленчукот, интегралните житарки, маслиновото масло, семките, јаткастите плодови, гравот, мешунките…
