Во Велика Британија направена е втора вакцина против новиот коронавирус, и утре треба да почне да се тестира на луѓе. Доколку се докаже дека е ефикасна, би можела да чини само три фунти, односно околу 200 денари.
Научниците од Империјал колеџот во Лондон се надеваат дека денес ќе добијат одобрение за првата фаза на испитување на вакцината против коронавирусот на луѓе, е целта е да се утврди дали е безбедна. Првите 120 учесници ќе добијат вакцина 48 часа по потврдата дека не боледуваат од КОВИД-19.
Проф. Робин Шаток, кој е задолжен за изборот на волонтери вели дека намерата им е вакцината да биде што е можно поефтина, за да може да ја прими целокупното население во Британија.
Доколку првата фаза на тестирање биде успешна, во втората фаза ќе учествуваат 6.000 испитаници, а проф. Шаток вели дека вакцината нема да биде достапна пред 2021. година, дури и ако се оди по планот.
Првата вакцина направена во Велика Британија која премина во фаза на клинички испитувања, ја разви Универзитетот Оксфорд, а тамошната влада се надева дека ќе биде готова до септември.
