Многу досегашни истражувања укажувале на нужноста на овошјето и зеленчукот во исхраната за добросостојба на целокупното здравје. Досега се препорачуваше минималниот дневен внес на овошје и зеленчук во исхраната бидат пет намирници. Но, најновите истражувања покажуваат дека количината треба да се зголеми на осум намирници.
Дополнителните три намирници, според истражувањето, ги прави луѓето посреќни од вообичаено.
Вегетаријанската диета или диетата со многу овошје и зеленчук се препорачува како превентива, но и како терапија против срцевите заболувања или карциномот. Меѓутоа, проблемите со наведените диети се во долгорочното чекање на ефектите на таквата исхрана, кои може да бидат во распон од две, па дури и 10 години.
Истражувањето наведува дека подобрувањето на психолошкиот ефект на исхраната со овошје и со зелечук може да се види и порано. Студијата од Велика Британија и Австрија ги следела промените кај 12 385 учесници во вид на лично задоволство и среќа со дневниот внес на овошје и на зеленчук.
Утврдено е дека 85 % од учесниците имале помалку од три намирници овошје, а 60 % помалку од три намирници зеленчук дневно. Само мал број на ученици, 1.83 % имале пет или повеќе намирници овошје дневно, а 7.75 % повеќе од пет намирници зеленчук дневно.
Студијата всушност ја покажува предноста од осум намирници овошје и зеленчук дневно, во вид на задоволство и среќа. Повеќе овошје и зеленчук во исхраната го подобрува нивото на среќа многу побрзо отколку што го подобрува самото здравје на организмот.
Постои и можна најава дека ова истражување треба да се поврзе со истражувањето на антиоксидантите кои укажуваат на врската на оптимизмот и каротеноидите во крвта. Каротеноидите се органски пигменти на црвената, портокаловата и жолтата боја, во зависност од видот на овошјето и зеленчукот кое се користи. На крајот се наведува и дека поголемиот внес на овошје и на зеленчук во исхраната го намалува ризикот од мозочен удар за 40 %, а од некои видови рак и до 20 %.
