![imunitet](https://panacea.mk/wp-content/uploads/2021/08/imunitet-696x464.jpg)
Освен кога ќе се разболиме, па е јасно дека не е во најдобра состојба, сите се прашуваме колку добро работи природната заштита на нашиот организам и колку се ефикасни здравата исхрана и активниот живот, за кои знаеме дека го зајакнуваат имуниот систем.
Но, постојат неколку јасни и проверени параметри кои можат да ни помогнат да добиеме увид во тоа во каква состојба ни е имунитетот. Секако, нема да трчате на лекар секој пат кога ќе ве фати љубопитност за тоа каков ви е имуниот систем, но овие лабораториски тестови можат да се направат на годишен или повремен лекарски преглед.
КОМПЛЕТНА КРВНА СЛИКА
Комплетната крвна слика е минлива точка за да се види дали постои дисфункција на имунолошките клетки. Крвната слика мери различни карактеристики на крвта, вклучувајќи црвени и бели крвни клетки, тромбоцити, хемоглобин и хематокрит. Различните видови бели крвни зрнца (како неутрофили, лимфоцити, базофили…) можат многу да откријат за нашиот имунолошки одговор. На пример, неутрофилите се зголемуваат кога имаме инфекција.
МЕТАБОЛНО ЗДРАВЈЕ И МАРКЕРИ НА ВОСПАЛЕНИЕ
Метаболното здравје и воспалението одат рака под рака со имунитетот, бидеќи имуниот систем делува како сензор на нашата метаболна состојба. Со лекар може да договорите и проверка на метаболните здравствени маркери – обем на половината, крвен притисок, шеќер во крвта, липиди, додека Ц-реактивниот протеин (ЦРП), серумскиот феритин и Д-димерите ќе сигнализираат дали постои воспаление во телото.
СТАТУС НА ВИТАМИН Д
Веќе е познато дека улогата на витаминот Д е важна за нашиот имунитет и за негова соодветна концентрација се смета ≥ 75 nmol/L. Пониски нивоа може да се очекуваат кај оние кои ретко се изложуваат на сонце, носат заштитна облека, лица со потемен тен, обезни, оние кои земаат лекови кои влијаат на метсаболизмот на витаминот Д, кај повозрасни лица, трудници и доенчиња, кај лица кои се оперирани, како и кај оние боледуваат од остеопороза, болести на бубрезите и црниот дроб, автоимуни, малигни, ендокринолошки, невролошки, психјатриски болести.
НИВО НА ВИТАМИН Ц
Витаминот Ц игра голема улога во имунитетот, имено поттикнува размножување на лимфоцитите за борба против надворешни освојувачи во телото и им помага на неутрофилите да ги “јадат“ и уништуваат лошите микроби. Иако ретко се прави, може да се побара лабораториска проверка на нивото на аксорбинска киселина во плазмата. О, ако во исхраната нема доволно овошје и зеленчук, како и протеини, пушите, ви крварат непцата додека ги миете забите или неодамна сте прележале болест проследена со температура, сте биле на операција или сте доживеале некаков стрес, може да се посомневате дека нивото на витамин Ц е ниско. Кај возрасните, симптомите на недостаток на витамин Ц се развиваат фури по повеќе месеци. Но, рано може да се појават: тромост, слабост, раздразливост, губење на телесна тежна. Подоцна се развиваат симптоми поврзани со пореметувања на сврзното ткиво. Раните побавно зараснуваат и лесно се отвораат, а може да дојде и до спонтани крварења.
НИВО НА ЦИНК
Цинкот е минерал во трагови кој е клучен за развојот и функцијата на многу имунолошки клетки во нашите вроден (неутрофили, макрофаги и природни клетки убијци) и стекнат (Б-клетки и Т-клетки) имунолошки одговор. За да го тестирате вашето природно ниво на цинк, може да направите серумски тест. Референтниот опсег е 9-18 mmol / L, а намалено ниво може да се очекува кај оние со Кронова болест, улцерозен колитис, целијакија, хронично заболување на црниот дроб, алкохолизам, губење на цинк (дијабетес, изгореници, земање лаксативи, дијареа), како и кај оние на парентерална исхрана.