Кога доаѓаат зимските месеци и празниците на секој му се јаде појака и калорична храна. Се претпоставува дека причината за ова е од психолошки и физиолошки карактер. Падот на температурите и помалата количина на дневна светлина на некој начин влијаат на рецепторите за глад во мозокот, зголемувајќи го апетитот. Во овој период помалку се движиме и помалку трошиме калории на активности, а повеќе на терморегулација на нашето тело.
Лицата кои во текот на годината оддржуваат стабилна тежина, обично во зимските месеци се здебелуваат околу половина до еден килограм.
Кај лицата кај кои тежината варира во текот на годините, овој “зимски додаток” значително е поголем, што неповолно може да влијае на диетата доколку се одлучите да ја држите во текот на зимата. Просечните лица од 50 години кои не се физички активни обично се потешки 15-20 килограми од кога имале 20 години, токму поради тоа “зимско” дебелеење (малку по малку). Зголемениот зимски апетит додава килограми и масни наслаги токму во овој период од годината.
Штом падне температурата се повеќе сакаме калорична храна, тестенини, макарони со месо, полномасно сирење, домашни пити, џемови и компир. Се ова убаво не “грее” и ни дава сила, но и повеќе од тоа. Уште па ако во домот ви е ладно, уште повеќе се “навлекувате” на оваа храна. Студот му испраќа на мозокот сигнал да е ладно, па тој ја уклучува “функцијата за преживување”, која му испраќа наредба на телото да се загрее и тоа брзо – следствено на тоа, се зголемува апетитот.
Истовремено организмот бара храна богата со јаглехидрати (скроб и шеќери) што има за задача да не загрее брзо. Нивото на шеќер во крвта се зголемува и намалува што понатаму влијае на апетитот. Побрзо огладнуваме па посакуваме посилна храна и така се тоа се врти во круг. Со оглед на тоа што зимата е и време на разни прослави, ваква храна имаме во изобилство.
Сепак, ако апетитот ви е значително зголемен, задолжително побарајте лекарски совет и направете преглед, бидејќи некои заболувања (како на пример дијабетес) влијаат на чувството на глад.
