Неправилниот менструален циклус е показател за голем број неправилности кои можат да влијаат на репродукцијата. Стресот е еден од факторите што може да ја наруши рамнотежата. Како, всушност, влијае на женскиот репродуктивен систем?
Познат е податокот дека за време на војни, природни катастрофи и глад, стапката на плодност драстично опаѓа. Во денешно време, пак, честопати за менструални промени виновници се „помалку стресни“ појави
Стресот може да предизвика неправилно, непредвидливо крвавење или доцнење на менструацијата. Секоја таква појава треба да се сфати како порака, која на жените им ја испраќа сопственото тело, кое им вели: „Застани и одмори се!“
Повеќето жени веруваат дека на промените во менструалниот циклус влијае емоционалната состојба, но голема улога игра и физичкото здравје. Месечниот циклус на јајниците, всушност, го придвижува мала структура на мозокот, хипоталамус. Станува збор за дел од мозокот, на кој влијаат и физички појави како како дишењето, срцевиот ритам, жедта, гладот и сексуалната желба. Стресот или некој друг вид на незадоволство може да влијае на работата на хипоталамусот, па веќе со првите индикатори би било добро да се поработи на коригирање на негативните фактори.
Хипоталамусот може да се замисли како централно место на кое се дешифрираат двете главни форми на комуникација во телото – нервниот и хормоналниот систем. Нивните импулси се обработуваат и се пренесуваат во други делови на мозокот и телото, па телото според тоа дава одговор во тој момент.
Со други зборови, репродукцијата ќе биде дозволена ако хипоталамусот добива информации дека телото е во стабилна, безбедна и здрава животна средина. Ако постои перцепција дека жената не е физички или емотивно способна да ја издржи бременоста и да се грижи за детето, хипоталамусот ќе влијае на циклусот на овулација.
Како да се вратите во хармонија и да го елиминирате стресот како причина за нередовниот циклус?
Извесна доза на напнатост во животот е сосема нормална. Меѓутоа, треба да научите како да се справите со надворешните дразби на здрав начин. Еве неколку предлози:
Вежбајте, но не претерувајте и не се исцрпувајте. Истражувањата покажале дека физичката активност го подобрува расположението и го зголемува нивото на серотонин и ендорфин во телото, кои се хормони на доброто расположение, кои ги поништуваат дејството на кортизолот, хормон на стресот.
Јадете добро балансирана исхрана. Иако чоколадата е нешто со кое радо го третираме ПМС, не претерувајте.
Изберете здрава храна, протеини, овошје, зеленчук, житарки и избегнувајте слатки
Одморете се и побегнете од се. Приуштете си годишен одмор и излезете од рутината, која ве потсетува на проблемите.
Научете да кажете „Не“ доколку се чувствувате преоптоварено. Бидете прво добри за себе, за да можете да им бидете добри и на другите.
