Досега во светот со новиот коронавирус SARS-CoV-2 се заразени околу 40 милиони луѓе во светот. Доколку неодамна сте биле во контакт со лице позитивно на КОВИД-19 или не сте носеле маска во затворен простор, можеби се сомневате дека и вие сте инфицирани.
Колку долго по изложеноста на вирусот почнуваат да се јавуваат симптоми кај заразеното лице?
Според Светската здравствена организација “во просек потребни се пет до шест дена од кога некој заразен со вирусот ќе покаже покажат симптоми, но тоа може да потрае и до 14 дена“.
Пет до 14 дена е долг период за седење и чекање за да се појави температура, кашлица, отежнато дишење, губење на сетилото за мирис или вкус или некој друг симптом на КОВИД-19. Меѓутоа, по потенцијална изложеност на вирусот, клучно е да бидете во самоизолација за да не заразите уште некого.
“Додека сте во карантин, не треба да се гледате со други луѓе, бидејќи симптомите би можеле да се појават во период од два до 14 дена од изложеноста, но можете да бидете заразни и пред да се појават симптомите“, вели д-р Мајкл Ричардсон.
Дури и ако во тој период не почувствувате симптоми, се уште може да го носите вирусот, па затоа избегнувајте контакт со пријатели, контактот со семејството сведете го на минимум, доколку мислите дека сте биле изложени ан вирусот.
Ако не почувствувате симптоми во пет до 14 дена, размислете за тестирање на КОВИД-19, за да го елиминирате сомнежот. Постои и можност да се асимптоматски носител, што значи дека го носите вирусот во себе и може да го пренесете на други лица, иако не покажувате симптоми.
