При изборот на здрав напиток за будење, некои ќе се одлучат за кафе, а други за зелен чај, но всушност е најдобро да се комбинираат двете напивки, тврдат јапонските научници од Националниот центар за срце.
Тие ги прочувале прехранбените навики на над 84.000 Јапонци на возраст од 45 до 74 години, во период од 13 години. Откриле дека една шолја кафе на ден го намалува ризикот од срцев и од мозочен удар за 20%, а четири шолји зелен чај имаат сличен ефект.
Сепак, најмал ризик од мозочен удар имале оние испитаници кои секојдневно комбинирале црно кафе и зелен чај, оти тогаш се потенцираат позитивните ефекти на тие напитоци за здравјето.
“Ова е прва голема студија која ги потврдува комбинираните ефекти на зелениот чај и кафето за спречување на мозочен удар“, вели авторот на студијата д-р Јошихиро Кокубо.
Тој додава дека идеална мерка е една шолја кафе и четири шолји зелен чај на ден, ноо веќе и две шолји чај со кафе, значајно ќе го намалат ризикот од појава на крвни згрутчувања и мозочен удар.
