Лушпата на здрав и органски одгледан компир не содржи никакви отрови штетни по здравјето. Единствено опасно е да се јаде недозреан компир со зелена или со наместа зелена лушпа и зелени делови. Лековит е и сокот од компир, тој всушност се смета за одлично природно средство за лекување гастритис. Се препорачува по една лажица сок од компир разреден со малку вода, половина час пред појадокот, ручекот и вечерата. Кај оние со чир се советува секојдневно консумирање сок од компир, и тоа половина децилитар сок од компир на празен стомак и потоа по половина децилитар половина час пред ручекот и вечерата.
Сокот од компир го намалува шеќерот во крвта, а помага и во лекување на болести на белите дробови дури и кај потешки болести како емфизем.
Во научните истражувања постојано се докажува и ефикасноста на компирот за сузбивање на ракот, а се повеќе добива на важност и како ефикасно средство во борбата против болести на црниот дроб и бубрезите, но и кај срцевите заболувања, висок притисок, дијабетес, лумбаго, ревматски болести… Сокот од сиров компир е одлично средство и за зајакнување на имунитетот, а помага и кај честите главоболки и менструалните болки.
Рецепт: Ако се чувствувате слабо или исцрпено наутро и навечер испијте сок направен од еден компир со средна големина, еден морков и јаболко и во рок од две недели повторно ќе бидете во форма.
