Иако поголемиот дел овошје и зеленчук се сметаат за здрави намирници, за компирот сепак се зборуваат и негативни работи. Бидејќи содржи скроб, често се смета дека тоа е доволна причина за да се намали консумирањето на оваа намирница.
Дали компирот е нездрав?
Компирот има незаслужено лош углед поради што многу луѓе го исфрлаат од исхраната. Меѓутоа, ако не се пржи, и ако не се служи во комбинација со путер, маргарин или павлака, еден компир има само 110 калории и десетина здрави фитохемикалии и витамини .
Нутритивна вредност на компирот
Содржи многу минерали, меѓу кои и калциум и јод, витамин Ц, и витамини од групата Б, а од минерали содржи големи количини на бакар, цинк, фосфор, калиум, калциум, манган…
Минералите и витамините се концентрирани под лушпата, па затоа треба да се лупи колку што е можно потенко, но најубаво е кога се вари со лушпа. Исто така содржи и висококвалитетен скроб, белковини и прехрамбени влакна.
Одберете ја вистинската боја
Како што напоменавме, постојат многу видови на компир, различни бои, облици и текстури. Повеќето од нив имаат слична нутритивна вредност, но виолетовите и црвените содржат најголемо ниво на антиоксиданти кои секогаш се споменуваат при спречување на некои болести. Слободните радикали од задагувањето, од тутунот и токсините од околината може да ги оштетат клетките. Антиоксидантите ги подобруваат тие оштетувања, и така штитат од болести.
Правилна употреба и умерена консумација
За да има позитивно влијание на здравјето, овој зеленчук треба да се приготви на правилен начин. Ако се вари во вода, без масло и други додатоци – компирите се здрави. Компирот всушност се вбројува во диетални производи кои ја одржуваат нормална телесната тежина – калориите ги добива со додавање на маснотии и со пржење. За компирот да биде здрав треба да се консумира во умерени количини.
