Што е тоа што толку ги вознемирува и измачува мажите? Кој комплекс им задава најмногу проблеми?
Истражувањата покажаа дека т.н. „Наполеонов комплекс“ е еден од најчестите проблеми со кои се борат ниските мажи во текот на целиот живот.
Мажите со низок раст уште во училишните клупи, веројатно, биле мета на повисоки и физички посилни соученици, а судејќи според резултатите од психолошките тестирања кои укажуваат на тоа дека високите луѓе полесно доаѓаат до работа – приказната продолжува во текот на целиот нивен живот.
„Наполеонов комплекс“ е синдром на низок човек, кој се чувствува инфериорно во однос на мускулестите мажи, најчесто бара моќ, предизвикува „војна“ и оди во освојување за да ги неутрализира физичките недостатоци.
Научниците од Центарот за контрола на болести од Атланта велат дека мажите страдаат од стрес ако чувствуваат дека се пониски од другите мажи. И дека тоа може да биде прекинувач за насилство.
Студиите покажале дека луѓето кои се пониски од другите чувствуваат параноја, недоверливи се и имаат чувство дека луѓето зјапаат во нив или зборуваат за нив.
Се разбира, без оглед на овој комплекс, постојат многу успешни мажи, чија висина никогаш не била пречка за напредување.
