Резултатите од магнетна резонанца на срце (MRI) извршена на стотина опоравени пациенти од КОВИД-19, лекарите ги споредиле со резултатите од исти испитувања извршени кај стотина лица кои не биле заразени со новиот коронавирус. Просечната возраст на испитаниците била 49 години, а две третини од пациентите се опоравиле дома. По два месеци, меѓу инфицираните пацинети воочена е поголема веројатност за развој на срцеви проблеми во однос на испитаниците од контролната група.
Се покажало дека кај поголем процент од пациентите, кај 78% од нив настанале сериозни оштетувања на срцевиот мускул, како ние кои се јавуваат по срцев удар. 67 пациенти се опоравувале во домашни услови, а состојбата кај 33 пациенти барала хоспитализација.
“Се работи за релативно млади и здрави пациенти на возраст од 45 до 53 години кои се разболеле напролет. Многумина од нив штотуку се вратиле од скијање и никој од нив не мислел дека има проблеми со срцето“, вели д-р Валентина Пунтман, кардиолог во универзитетската болница во Франкфурт, која ја водела студијата.
“Фактот дека 78% од пациентите кои се опоравиле од КОВИД-19 развиле сериозни срцеви проблеми, укажува на тоа дека болеста кај повеќето остава последици на срцевиот мускул, иако не постојат вообичаени симптоми на срцеви болесто, како болка во градите која е пропратна кај ангина пекторис“, појаснува д-р Пунтман, додавајќи дека смета дека штом на пациентот му се дијагностицира КОВИД-19, треба веднаш да се делува и да се следи состојбата на срцевиот мускул.
Резултатите од студијата упатуваат на тоа дека кај многу пациенти кои го преболеле КОВИД-19 може да се развуе затајување на срцето, состојба во која тоа не може да испумпува доволна количина на крв за да ги задоволи потребите на сите делови на телото за кислород и хранливи материи.
Прерано е да се зборува за тоа дали оштетувањата кај опоравените пациенти од КОВИД-19 се минливи или трајни, но кардиолозите се загрижени.
