Достапноста на системот за вештачка интелигенција 24/7 и обезбедувањето моментален одговор е главната причина зошто дури 57 проценти од Македонците се обраќаат кај него, а не кај лекар.
Околу 39 проценти од Европејците би прифатиле консултации со вештачка интелигенција
Поддржувачите на вештачката интелигенција во здравството нагласуваат постојана достапност, брзи одговори и објективни повратни информации, а некои дури се чувствуваат побезбедно кога споделуваат лични здравствени податоци преку дигитален интерфејс отколку со човечко суштество, покажуваат истражувањата.
Достапноста на системот за вештачка интелигенција 24/7 и обезбедувањето моментален одговор е главната причина зошто 57 проценти од Македонците и Србите, 56 проценти од Унгарците, 55 проценти од Чесите и 54 проценти од Словаците се обраќаат кон него, а не кон лекар.
Повеќе од половина од Европејците – 52 проценти, сè уште се неодлучни, а главните причини за избегнување на консултации со вештачката интелигенција се недостатокот на доверба, проследено со потребата од лична интеракција.
Недовербата во способноста на вештачката интелигенција да обезбеди точни медицински совети е главен мотив за 61 процент од Ирците, 60 проценти од Швеѓаните и Португалците, 59 проценти од Казахстанците, 58 проценти од Данците и 49 проценти од Македонците и Србите.
Загриженост дека нивните лични податоци ќе бидат складирани или споделени од системите за вештачка интелигенција покажаа 25 проценти од Ирците, 24 проценти од Британците, по 22 проценти од Французите и Германците и само осум проценти од Македонците.
Значителен број европски граѓани имаат најголема доверба во својот избран лекар/матичен лекар, но и во другите здравствени работници.
Овогодишното истражување покажува дека граѓаните постари од 55 години, како и оние со добро физичко здравје, значително повеќе им веруваат на своите избрани лекари.
За разлика од нив, помладата генерација им верува на здравствените инфлуенсери на социјалните мрежи, но и на вештачката интелигенција.
Заклучок
Какви и да се бројките од истражувањата сепак посетата на лекар и специјалист во одредени случаи е најдобрата одлука која можете да ја донесете, а користењето на вештачката инлелигенција може да биде само извор на примери како некој човек на ,,другиот крај од светот,, се изборил со одредена состојба или болест.
