Температура, болки во грлото, кашлица, болки во мускулите, слабост, тоа се најчестите симптоми кај заболените од новиот коронавирус. Многу заразени исто така, на некое време, го губат и чувството за мирис и вкус.
За тоа би можело да биде одговорен еден ензим: научниците од Универзитетот Џон Хопкинс успеале во пробите со екстремно високи дози на ензимот ACE2 (Agniotensin Converting Enzyme II) да докажат, и тоа точно во пределот на носот, дека овој ензим е одговорен за губењето на сетилото за мирис.
Овој ензим наводно треба да има улога на влез низ кој коронавирусот влегува во клетките на организмот. На тоа упатуваат и други студии. Научниците за својата студија испитале ткива од 23 пациенти, кои им биле отстранети за време на операција. Пациентите кои не биле заразени со коронавирус биле оперирани поради тумор или воспаление на синуси.
Резултатите од истражувањето дури би можело да послужи за нов пристап во лекувањето на заразените, напишале стручњаците во научното списание “European Respiratory Journal”.
Резултатите би требало да бидат потврдени со дополнителни истражувања, вели Ендру Лејн, професор на Универзитетот Џон Хопкинс.
“Ако тоа се покаже точно, тогап би можеке да ја победиме заразата со антивирусни терапии, кои би се давале директно во нос“, вели тој.
Тобијас Велте од Клиниката за белодробни болести во Хановер, кој не бил вклучен во истражувањето, коментира дека се работи за “паметна студија“ која не само што го објаснува губењето на чувството за мирис кај многу пациенти, туку овозможува и нови терапии. Но, и тој смета се нужни понатамошни истражувања.
