Вештачките засладувачи долго беа претставувани како замена за шеќер и ефикасен начин за намалување на внесот на калори. Но?! Најновата канадска студија предупредува на можните негативни здравствени ефекти од консумирањето вештачки засладувачи.
За да дојдат до овој заклучок канадските истражувачи анализирале податоци од 37 истражувања во кои учествувале 400 000 луѓе. Тие утврдиле дека употребата на вештачките засладувачи во исхраната може да се поврзе со ризикот од гојазност, хипертензија, метаболен синдром, дијабетес тип 2 и кардиоваскуларни заболувања.
Истражувачите нагласуваат дека се потребни дополнителни истражувања за со сигурност да се потврдат негативните ефекти, но во исто време и советуваат умерена употреба на вештачки засладувачи, како и прехранбени производи кои ги содржат овие додатоци.
