Недостатокот на движење и вежбање придонесува за побрзо стареење, но постои цела низа на секојдневни навики кои можат да го забрзаат стареењето на видлив и невидлив начин.
КОНСТАНТНА ЛУТИНА И НЕЗАДОВОЛСТВО
Ако сте лути, нервозни и незадоволни цело време, тоа влијае на вашиот изглед. Студијата објавена во 2011 година го поврзува излачувањето на кортизолот, хормонот на стрес, со стареењето. Кога хормоните се надвор од рамнотежата погодени од хроничен стрес, тоа може да го забрза стареењето на клетките и потенцијално да го зголеми ризикот од Алцхајмерова болест.
ОСАМУВАЊЕ
Физичката активност може да ви помогне и во постари години да останете во форма, а експертите велат дека интелектуалната активност често се занемарува. Луѓето кои се изолираат од другите се повеќе склони кон когнитивно ослабување. Дружењето со луѓе е облик на вежбање на мозокот и помага во негово стимулирање. „Не се важни само вежбањето и исхраната“, изјавила професорката Сара Харпер од Оксфорд. „Социјалната средина во која живееме е многу важна, треба да се остане друштвено поврзан со врсниците и семејството“.
МАСНОТИИ ВО ИСХРАНАТА
Потребна ни е одредена количина масти во исхраната. За здравјето на срцето се важни омега-3 масните киселини во масната риба и одредени јаткасти плодови. Омега-3 масните киселини го поддржуваат здравјето на кожата и спречуваат брчки, а го поттикнуваат и здравјето на срцето и мозокот.
ЛЕГНУВАЊЕ ДОЦНА
За време на ноќниот одмор, телото ги отстранува мртвите клетки на мозокот и крвта и го чисти патот за нови синапси, па новите клетки може да ги заменат истрошените. И дерматолозите препорачуваат соодветен сон за да се избегнат штетните ефекти на неспиењето, темните кругови околу очите, дехидрирана кожа, подлабоки брчки. Една неодамнешна студија покажала дека неспиењето во текот на ноќта може да го зголеми ризикот од метаболичен синдром и рана смрт.
ПУШЕЊЕ
Пушењето може да предизвика очигледни знаци на стареење оштетувајќи неколку делови од телото, белите дробови, кожата, забите. Луѓето ги собираат своите усни додека вовлекуваат од цигарите, а ова повторувачко движење околу устата создава подлабоки вертикални брчки.
