Консумирањето јаткасти плодови (ореви, лешници, бадеми, кикирики…) во првиот дел од бременоста, може да ги подобри когнитивните способности на детето, укажува нова студија. Имено, децата на бремените жени кои неделно консумирале 50 до 85 грама јаткасти плодови во првиот триместар од бременоста, имале подобри резултати на IQ тестовите на помнење и внимание, отколку децата чии мајки не јаделе јаткасти плодови додека биле бремени.
Претходни истражувања покажале дека консумирањето јаткасти плодови е поврзано со ризикот од хипертензија, дијабетес и оксидативен стрес. Некои научници исто така сметаат дека консумирањето ореви може да помогне во заштита од когнитивно пропаѓање во староста.
Ова е прва студија која истражувала дали може консумирањето јаткасти плодови за време на бременоста да ги подобри когнитивните способности кај децата.
Меѓутоа, консумирањето јаткасти плодови за време на третиот триместар од бременоста, за жал, не ги покажало истите резултати.
Треба да се истакне дека јаткастите плодови се богати со фолна киселина и масни киселини, вклучувајќи омега-3 масни киселини, кои докажано позитивно делуваат на здравјето и на когнитивните способности.
За време на бременоста мозокот е подложен на сложени процеси, што значи дека исхраната на мајката е одлучувачки фактор во развојот на мозокот на фетусот и може да има долгорочни ефекти.
