Досега се покажало дека сложената низа соединенија и фитохемикалии од оревите, нуди мноштво здравствени придобивки, вклучувајќи заштита од воспаленија и рак на дебелото црево. Сега лабораториско истражување на глувци покажало дека консумирањето ореви исто така нуди заштита од експериментално предизвикан улцерозен колитис.
Улцерозниот колитис е форма на воспалителна болест на цревата која се карактеризира со хронично воспаление на гастроинтестиналниот тракт.
Кај глувците кои консумирале ореви, степенот на оштетувањето на слузницата на дебелото црево било помало, опоравувањето на слузницата на дебелото црево било поуспешно по дополнителното консумирање ореви.
Идните истражувања треба да ги утврдат активните соединенија – хранливи состојки, фитохемикалии во оревите кои се одговорни за споменатиот заштитен ефект.
