![ОРЕВИ](https://panacea.mk/wp-content/uploads/2019/02/OREVI.jpg)
Консумирањето ореви е поврзано со ниската преваленца и зачестеност на симптомите на депресија кај возрасните лица, укажува нова студија. Имено, кај љубителите на ореви е воочена 26% пониска преваленција, а кај љубителите на останатите јаткасти плодови преваленцијата била за 8% пониска.
Според медицинската статистика, едно од шест возрасни лица ќе има депресија во одреден период од својот живот. Затоа, според мислењето на стручњаците, е важно да се пронајде поедноставен и поевтин начин за намалување на зачестеноста на депресијата, како што се промени во исхраната, кои лесно се применуваат и кои може да помогнат во намалување на честототата на депресијата.
Освен својата позитивна улога во зачувување на кардиоваскуларното и когнитивното здравје, очигледно е дека оревите имаат позитивен ефект и на симптомите на депресија.
Кај лицата кои редовно консумирале ореви, забележано е дека имаат поголема заинтересираност за активности, повисоко ниво на енергија, поголема концентрација и поголем оптимизам, во споредба со оние лица кои не ги консумираат овие јаткасти плодови.
Иако поврзаноста помеѓу консумирањето ореви и депресијата била конзистентна кај мажите и жените ефектот бил поголем кај жените, кои почесто пријавувале потешки симптоми на депресија и употреба на антидепресивни лекови.
Во споредба со останатите јаткасти плодови, ореви имаат единствен профил на масни киселини. Имено, тие содржат главно полинезаситени масти, вклучувајќи значајна количина на омега-3 алфа линоленска киселина на билна база (2,5 g/oz), што е повеќе отколку кај другите јаткасти плодови.