Консумирањето три или повеќе оброци риба неделно, го намалува ризикот од развој на рак на цревата, покажале најновите резултати на истражувањњето на британските научници кои сметаат дека таквиот тренд треба да се поттикнува во рамките на здравата исхрана.
Научниците од Универзитетот Оксфорд и од Меќународната агенција за истражување на карцином, ги истражиле прехранбените навики на 476.000 лица кои пополниле прашалници за тоа колку често јадат одреден вид на храна. Анкетата вклучувала и прашање за консумирањето риба, а резултатите покажале дека внесот на 360гр било каква риба во организмот, три пати неделно, ја намалува опасноста од развој на рак на цревата за 12% во однос на консумирањето на 60гр дневно.
Истовремено, кај лицата кои неделно јадат 124гр масна риба, како лосос, евидентиран бил 10% помал ризик од развој на рак на цревата.
Истражувачите напоменуваат дека резултатите на студијата не се однесуваат на школки.
