Американско истражување спроведена на 42.000 жени покажало дека консумирањето црвено месо може да го зголеми ризикот од развој на рак на дојка. Имено, жените кои биле љубители на црвено месо имале, во однос на жените кои не јаделе големи количини од овој тип на месо, 23% поголем ризик од развој на рак на дојка.
Жените кои најмногу консумирале живина, имале за 15% помал ризик од рак на дојка, во споредба со жените кои јаделе помалку. Од овие причини, еден од начините за намалување на ризикот од рак на дојка може да биде замената во исхраната на црвеното месо со живина.
Намалувањето на количината на консумирано црвено месо, го намалува ризикот и од рак на дебелото црево, кардиоваскуларни болести, како и дијабетес тип 2. Истовремено, тоа ја намалува и целокупната смртност.
