По 50. година многу мажи се присилени често и итно да уринираат, за што е виновна проширената простата, што се нарекува бенигна хиперплазија на простатата (БХП), но ако симптомите се послаби, тегобите може да се регулираат со намалување на течности, препорачуваат стручњаците.
Околу 1,5 литар течности на ден – е препорачана количина на внес на течности, наведува Германскиот институт за квалитет и ефиканост за здравствената грижа.
За да се избегне будење навечер заради одење во тоалет, на мажите им се препорачува да не пијат течности еден до два часа пред легнување. Тоа особено се однесува на внесот на течности кои содржат кофеин или алкохол, бидејќи имаат диуретски својства.
Бенигната хиперплазија на простатата, може да го отежне лачењето на урина, бидејќи зголемениот притисок ја притиска уретрата, која ја пренесува урината од мочниот меур во пенисот. Доколку тегобите го отежнуваат квалитетот на животот, или ако се искомплицира па се појават инфекции на уринарниот тракт затоа што не се празни целосно меурот, мажите треба да се обратат кај матичниот доктор или на уролог, кој ќе им препише соодветна терапија со лекови.
Околу седум од десет мажи кои ќе се обратат на лекар заради проблеми со проширена простата, се одлучуваат за таква терапија, наведуваат од Германскиот институт.
