Бесот е една од најсилните и најинтензивните емоции што човек може да ги чувствува, но поради неговата негативност, може да има лоши последици по здравјето.
Еден од најголемите проблеми кои бесот може да ги предизвика, се однесува на здравјето на срцето, затоа е многу важно бесот да се контролира и да се победи пред да дојде до загрозување на здравјето.
Дишете длабоко
Ова е еден од најчесто препорачаните начини да го надминете чувството на бес и агресија. Многу е ефикасен, но не влијае подеднакво ефикасно на сите. Во секој случај, вреди да се обидете – дишете длабоко и бројте до 10 полека. Веднаш после ова би требало да се чувствувате посмирено.
Средувајте си ја облеката
Ако ви е потребно нешто посилно за да се ослободите од бесот, одличен начин е да го средите гардероберот, бидејќи тоа бара одреден физички напор, но нема да се изморите. Додека ова го работите, изговарајте ги вокалите на глас – А, Е, И, О, У. Бидете сконцентрирани на тоа што го работите и многу брзо ќе почувствувате олеснување и исчезнување на бесот.
Музика и трчање
Ако инаку сте љубител на физички активности на отворено и сакате да трчате, тогаш ова е најдоброто решение против бесот. Додека трчате ставете си слушалки и пуштете ја омилената музика – и сигурно ќе се чувствувате подобро. Многу е важно убаво да се испотите, а и музиката ќе допринесе за подобро расположение.
Разговорот како лек
За разговор ви е потребно лице кое во тој момент би можело да ве разбере. Кога сте бесни, поразговарајте со најдобриот пријател, партнерот, некој од семејството – со било кој, кој ќе знаете дека ќе ве ислуша и ќе ви даде совет, ако е потребно.
Вриштење на отворено
Иако делува како на филм – вриштењето навистина може да ви помогне кога чувствувате дека ве обзема бес. За некои е доволно еднаш да вриснат на цел глас, и веднаш да се чувствуваат многу подобро – толку што веројатно во истиот момент ќе почнат да се смеат.
Без оглед на тоа кој начин за ослободување на бесот ќе го изберете, многу е важно да е ефикасен, за што пократко да бидете изложени на ваквото негативно чувство. Ако се случи да сте хронично бесни, или под стрес –оваа појава и тоа како може да доведе до различни здравствени проблеми од која најчесто прво страда срцето.
