Неодамнешни истражувања покажуваат дека дури една третина од младите и лица во средна возраст патат од зголемен притисок, а дека над 50 % воопшто и не знаат дека го имаат овој проблем. Половина од оние со утвредна дијагноза не успеваат вредностите да ги држат во нормала и тоа најчесто поради несоодветна терапија.
СИМПТОМИТЕ МОЖЕ ДА ИЗОСТАНАТ
Зголемените вредности на крвниот притисок вообичаено не се констатираат како проблем, поради што е многу важно да на секои шест месеци да ја проверувате состојбата на организмот, поради рано откривање на болеста. Најмалку три пати по ред зголемени вредности ја потврдуваат дијагнозата. После тоа, обично се проверува нивото на шеќерот и на холестеролот во крвта, функцијата на бубрезите и евентуални оштетувања на органите. Честопати е потребно да се направи и ехокардиограм.
СЛЕДЕТЕ ГИ ШЕМИТЕ
Кај поголемиот број млади и средовечни лица со хипертензија, зголемени се вредностите на систолниот (горната бројка) и дијастолниот (долната бројка) притисок. Скок на систолниот притисок кај младите лица обично не е е сериозна состојба, особено ако вредностите на дијастолниот притисок не се зголемени. Но, порастот на дијастолниот притисок укажува на сериозен проблем, посебно ако се знае дека неговите вредности го ознчуваат притисокот во време на мирување.
БРОЈНИ РИЗИК ФАКТОРИ
Наследниот фактор или животните навики може да бидат причинители за проблемот. Доколку едниот или двата родители имаат хипертензија, ризикот од тоа нивното дете да го има овој проблем се зголемува. Недоволната физичка активност во секојдневниот живот и вишокот килограми, посебно околу половината, исто така, спаѓаат во ризик фактори. Едните се изложени на специфичен ризик: Зголемениот крвен притисок за време на бременоста, иако не е ретка појава, секогаш е причина за грижа. Всушност, хипертензијата условена од бременоста е главна причина за пореметувања и смртност кај мајката и кај бебето. Трудничката хипертензија тешко се лекува. Доколку бременоста успешно заврши, крвниот притисок се нормализира, но ризикот од појава на хипертензија подоцна во животот, останува зголемен.
ЗДРАВИТЕ НАВИКИ СЕ ПРЕСУДНИ
Подобрувањето на животните навики го олеснува регулирањето на крвниот притисок. Граничните вредности обично не налагаат примена на медикаменти, туку тие може да се стабилизираат со воведување на здрави животни навики со редовна контрола на секои шест несеци. Лицата кај кои вредностите се значително зголемени мора да примаат лекарска терапија заради спречување на оштетување на органите. Но ако сте на лекарстава, а притоа спроведувате здрав режим на живот, ги одржувате вредностите во нормала и немате други органски компликации, постои можност на постепено укинување на терапијата.
