Дваесетминутно слушање музика во живо е подобро за вашето здравје отколку некои физички активности како што се јогата или прошетките.
Научниците од Институтот „Голдсмит“ во Лондон дошле до заклучок дека расположението на луѓето кои слушале музика во живо најмалку 20 минути се подигнало за 21 отсто, додека кај оние кои практикувале јога било за 11 проценти помалку.
Направената студија покажала дека слушањето музика во живо го продолжува животот за неколку години.
Истражувањето било спроведено на примерок од 60 лица кои оделе на концерт, на час по јога или правеле прошетки со своите домашни миленици.
Испитаниците пред активностите решиле тест од 40 прашања, а потоа биле распоредени во три групи од 20 членови, каде што им се мерела работата на срцето и срцевата фреквенција.
„Клучот на долговечноста е редовното одење на концерти, барем еднаш во две недели“, изјавил Патрик Феган од „Голдсмит“.
