Сите делови на копривата се лековити. Ова растение, кое сметаме дека ни е непријател, заради жарењето кога ќе ја допреме, сепак има многу бенефити за здравјето кои човекот ги потценува.
Стеблото, листовите, коренот и цветот имаат лековита и хранлива компонента. Помага за прочистување на крвта, а ги ублажува и симптомите на егземата и главоболката. Позитивно влијае на панкреасот, помага за намалување на нивото на шеќерот во крвта, ги лечи воспаленијата на уринарниот тракт и ја стимулира работата на цревата.
лекарите ја препорачуваат за пролетно чистење на организмот. Во билната медицина чајот од коприва се користи и за болести на црниот дроб и на жолчката, за пореметување на сонот, кај туморите на слезината, за грчеви во стомакот, чир, болести на белите дробови…Копривата помага и за зголемување на нивото на железо во крвта и успешно лекува анемии.
Луѓето кои страдаат од пролетни поленски алергии можат да пијат чај од коприва за да си ги олеснат симптомите.
Копривата е една од најраспространетите билки на планетата. Содржи многу хлорофил, минерали како калциум, калиум, железо и фосфор и витамини А и Ц. Флавоноидите кои ги содржи позитивно делуваат на нашиот организам, а екстракт од коренот се користи и за спречување на опаѓање на косата. Чајот може да се пие и превентивно, една шољичка во денот, во овој период од годината, заради полесно совладување на заморот.
