Како и самиот лимон, така и неговата кора традиционално се употребува во кујната, за нега на кожата и ноктите, но, исто така, и во одржувањето на домаќинството.
Меѓутоа со кората од лимон треба да се биде внимателен, бидејќи надворешниот слој на ова овошје е изложено на штетни влијанија од различни средства. Затоа смее да се користи само кората на органски одгледувани лимони.
Добар и здрав лимон ќе препознаете по бојата на неговата кора – убава жолта боја
Ако лимонот е сув и наборан од стоење, ќе му ја вратите свежината така што ќе го чувате извесно време во ладна вода. Доколку сакате да исцедите што повеќе сок од лимонот, пред да го цедите, загрејте го малку.
Пред да ја употребите неговата кора за подготовка на колачи, добро измијте го.
Ако не го користите целиот лимон одеднаш, постои начин да го зачувате за подоцна. Отстранете ја горчливата бела кожа од внатрешната страна на кората, а потоа добро исушете ја кората. Така исушена и исчистена може да ја држите во стаклена тегла на суво место.
Кората може и да ја замрзнете, па да ја рендате кога ќе ви затреба за колачи или за подготовка на месо.
Кората од лимон благотворно делува на работата на црниот дроб, цревата, желудникот, имунолошкиот, нервниот и кардиоваскуларниот систем.
Но, да се разбереме, сето ова важи за лимон за кој знаеме дека е одгледуван во органски услови!
Многу луѓе не знаат дека кората од лимон е одлична и за чистење на сребро, бакар, месинг, пластика. Со неа, исто така, се отстрануваат и дамки од ‘рѓа.
Лимоновата кора, на крајот, можете да ја употребите и за отстранување на непријатните миризби. Со неа може да ја исчистите даската за сечење по обработка на риба или кромид.
