Бананите се хранливи, обезбедуваат енергија, особено при тренирање и спортување. При немање време за подготовка на оброк, доволно е да се изеде една банана и организмот се обезбедува со потребните хранливи нутриенти како што се калиум, магнезиум, витамин Б6 и Ц. Бананите се познати и по тоа што го подигаат расположението и енергијата, го јакнат имунитетот и го намалуваат нивото на холестерол. Но, кората од банана, која најчесто се фрла, е вистинско богатство.
Еве неколку совети како може да се искористи кората од банана во служба на здравјето и убавината:
Природен аналгетик
Кората од банана е природен аналгетик кој помага да се ослободиме од одредени болки по телото. При повреда или чувствуво на болка од некоја друга причина, доволно е да се истрие болното место со кората се додека не се почувствува олеснување.
Истото важи и при убод од инсект, кој најчесто предизвикува чешање или печење на кожата. Местото на убодот премачкајте го со кората од банана и оставете да дејствува колку што е потребно до целосно смирување на кожата.
Еластична кожа
Кората од банана е богата со антиоксиданти и има ефект против стареење на кожата. Ја хидрира, ја храни, и ја подобрува еластичноста. Со секојдневно втривање на кората од банана на лицето, особено околу очите, се мазнат брчките, се намалуваат воспаленијата и цревенилата.
Доволно е пред спиење да го истриете лицето и вратот и да оставите да делува цела ноќ. Оваа метода е многу корисна и за псоријаза – чешање и црвенило. Два пати на ден тријте го болното место со кора од банана и оставете да делува околу еден час, па измијте се. Оваа метода применете ја и за брадавици.
Избелување на забите
Доколку сакате да ги избелите забите на едноставен, природен и евтин начин, земете кора од банана и тријте ги забите неколку минути по редовното миењето. Резултатите ќе ги забележите веќе по две недели редовна употреба.
