Магдоносот е билка која на нашите простори ја има во текот на целата година. Се користи најчесто свежа, како дел од салати и супи. Листовите на магдоносот се одличен извор на витамин А, Ц и К, а уште од минатото е позната како лековита билка. Го користеле и римските гладијатори, кои верувале дека магдоносот ќе им ја даде потребната сила и брзина.
Магдоносот е богат со минерали како калиум, магнезиум, калциум, фосфор и железо. Коренот содржи четири пати повеќе витамин Ц од лимонот. Богат е и со етерични масла и флавоноиди кои делуваат како антиоксиданси и го штитат телото од слободните радикали.
Магдоносот се употребува кај настинки, за намалување на симптомите на грип, артритис и ревматски болки, гихт и како значаен дел од исхраната на дијабетичарите.
Лековитост на магдоносот
- Витаминот Ц го олеснува апсорбирањето на железото и ги намалува шансите да се добие настинка, воспаление на грлото или на ушите
- Делува како диуретик кој го опушта дигестивниот систем и ја намалува надуеноста на стомакот и го поттикнува исфрлањето на отровите од организмот, па заради тоа се користи како лек за гихт и артритис
- Чајот од семето се користи за намалување на главоболките и на асмата
- Ги ублажува убодите од инсекти и изгорениците и делува како антисептик на рани
- Се препорачува и за олеснување на менструални болки
- Магдоносот е добар извор на фолна киселина која е важна за работа на срцето
- Сокот од магдонос дава сјај на косата
- Џвакањето на свежи листови од магдонос помага за ублажување на лошиот здив
