Кожата на рацете во текот на зимата е изложена на студ, особено ако немате навика да носите ракавици. Честото миење раце, како и садови и перењето алишта, исто така, дополнително ја сушат кожата која заради сето ова станува груба. Се разбира, за време на зимските месеци кога е сезона на настинки и грипови, правилната хигиена на рацете е особено важна.
После секое миење рацете убаво исушете ги со пешкир или хартија затоа што преостанатата влага дополнително ја исушува кожата. За време на миењето садови и обавувањето на други домашни работи кои подразбираат употреба на вода и разни хемикалии користете гумени ракавици. Исто така, немојте да заборавите да ги заштитите рацете со ракавици кога излегувате надвор. На крајот од денот обавезно намачкајте ги рацете со крема за сува кожа, а ако можете и почесто – барем два до три пати на ден.
Бидете особено внимателни со кожата на лицето
Во зимскиот период се препорачува да користите похидратантна или помасна крема за лице која му одговара на вашиот тип кожа, затоа што студот, промените на температурата и греењето го забрзуваат исушувањето на кожата.
Кога е ладно се намалува лачењето на себумот и ако почувствувате дека кожата на лицето ве затега или се лупи, потребна ви е крема која овозможува повеќе хидратација. Пред кремата можете да користите и хидратантен серум кој дополнително ќе ја снабди кожата со влага и други корисни состојки. Навечер нанесете регенеративна ноќна крема или, пак, ноќна маска за лице која интензивно ја обновува и негува кожата во текот на сонот.
Доколку кожата на лицето ви е прилично сува, на вашата кожа ќе и годат таканарачените „cold“ креми кои ја смируваат и штитат иритираната кожа, како на возрасните личности така и на децата. Кремите од овој тип обично содржат природни состојки како пчелин восок и растителни масла.
Два до три пати неделно можете да користите и хидрирачки маски за лице со витамин Е, хијалуронска киселина, алое вера, карите путер, масло од јојоба и сладок бадем. Исто така, не прескокнувајте употреба на крема или гелови за нега на делото околу очите со оглед на тоа дека кожата тука е особено чувствителна.
Како се негува кожата на телото во зима
Под влијание на ниските температури, ветрот, но и греењето, за време на студените денови доаѓа до промена во хидролипидниот филм на кожата на лицето и телото, па така таа може да стане особено сува и чувствителна. Ако сте забележале дека кожата на лицето или телото ве чеша и затега, крајно време е да поведете повеќе сметка за соодветната нега.
За време на туширањето или капењето одбегнувајте да користите премногу топла вода затоа што на тој начин дополнително ќе ја исушите кожата. Исто така, после секое капење и туширање намачкајте ја кожата на телото со крема, млеко или масло за тело кое одговара на вашиот тип кожа, а особено внимание посветете на посувите зони како што се надлактиците, пределот околу колковите и нозете.
Доколку кожата на телото ви е мошне чувствителна бирајте козметика која содржи што е можно поприродни состојки и тоа најдобро растителни масла како сладок бадем, пченични никулци, авокадо, кокос или арган. За нега на кожата на петите и лактите бирајте помасни креми кои најпрво можете да ги нанесете како маска во дебел слој, а потоа, после десетина минути, отстранете го вишокот кожа што не се впил.
