Фокусот на првата помош е помагање на другите во неволја, но мошне е важно да научите како да си помогнете и себеси ако се најдете во сутуација животот да ви е загрозен, а нема никој во близина! Повеќето од советите за прва помош може да се изведат на себе исто како и кај другите, кај гушењето и срцевите проблеми би можело да биде потешко да си го спасите животот. Докторт Ален Веир, директор на болницата Сент Џорџ, поделил неколку едноставни, но практични совети за тоа што треба да се преземе во такви ситуации ако нема кој да ви помогне.
Ако се сомневате на срцев удар веднаш повикајте медицинска помош, а потоа одморајте. Секое движење ќе врши непотребен притисок на срцето. Најдобра позиција е да сте на подот, потрпени на ѕид, со свиткани колена и потпора за главата и рамениците. Оваа положба би требало да го намали притисокот на срцето и да ги спречи повредите во случај да загубите свест. Полека џвакајте аспирин (ако не сте алергични) – тој ќе спречи влошување на состојбата. Обидете се да останете смирени.
Во случај да имате обилно крвавење притиснете ја раната директно, служејќи се со рака, пешкир или облека која ќе ви се најде во близина. Повикајте итна помош. Ако сте во можност, завиткајте ја ткаенината со завој за да го одржувате притисокот на раната. Држете ја раната над нивото на срцето затоа што така ќе го намалите шокот и воедно тоа ќе го намали дотокот на крв до повреденото подрачје. Не обидувајте се да го извадите предметот кој евентуално ви е забоден во раната.
Во случај да имате скршеница еве како треба да постапите. Ако скршеницата е надворешна покријте ја раната со стерилна такенина или рака. Стискајте го делот околу раната, но не допирајте ја скршената коска. Потпрете го повредениот екстремитет над и под зглобот и ставете облога преку раната. Повикајте медицинска помош и кренете ги нозете над нивото на срцето за да го намалите шокот, но тоа важи само ако скршеницата не е на долниот дел од телото.
Изгорената кожа треба што побрзо да ја изладите за да спречите трајни оштетувања. Држете ја изгореницата под млаз студена вода, но не ја допирајте. Соблечете ја од себе облеката и извадете го накитот, освен ако не е директно на изгореницата. Шокот ќе го намалите така што ќе ги поткренете нозете над нивото на срцето.
