Доколку често имате болки или грчеви во мускулите, освен одмор, благо истегнување и масажа, од помош можат да ви бидат одделни лековити билки, намирници, како и некои витамини и минерали.
Маслото од камилица, на пример, доколку се нанесе на болните и напнати места, брзо им помага на мускулите да се опуштат. Исто така, капсаицинот од лутите пиперки е честа состојка на мастите против болки со оглед на тоа дека природно ја поттикнува мускулната релаксација. Особено може да им биде од помош на личностите кои боледуваат од ревматоиден артритид и фибромиалгија.
Причина за чести грчеви во мускулите може да биде и недостатокот на витамин Д. За на својот организам да му обезбедите доволно витамин Д се препорачува секојдневно кусо изложување на сонце (најмногу неколку минути ако не користите лосиони со УВ фактор), но со земање на диететски суплементи со витамин Д.
Магнезиумот е посебно важен за нормална мускулна и нервна функција, и еден од главните совети кај мускулна напнатост и грчеви е да се зголеми внесот на магнезиум. Освен во додароците во исхраната, магнезиумот го има и во бананите, бадемите, семките од сончоглед и мешунки.
