Aко цела година сте биле дисциплинирани, редовно сте вежбале, здраво сте се хранеле и сте внимавале на секоја калорија, тогаш навистина би било штета сето тоа да пропадне заради неколку дена уживање за време на празниците. Со силна волја и добар план можете да поминете и без вишокот со кој ќе се борите во јануари.
Пијте повеќе вода
Намирниците полни со течности, како овошјето или зеленчукот, се одлични за да ви се создаде чувство на ситост и, се разбира, пружање на неопходната вода во организмот. Такви намирници се главно полни со витамини, влакна и минерали кои ја намалуваат надуеноста што ја создава солта во преработената храна.
Жедта е подеднакво важна како и гладта, па не заборавајте да пиете доволно вода, инаку може да се случи да почувствувате ненадеен замор и непријатно чувство на празен желудник. Важно е само да не пиете студени напитоци непосредно пред ручекот затоа што храната нема добро да се свари. Размислете за чај половина час после оброк.
Физичка активност
Не само што физичката активност е одлична за одржувањето на саканата тежина, туку го поправа расположението и го подобрува сонот. Иако празниците главно се полни со должности и стрес, не е лошо секое утро да го почнувате со некоја активност за да имате повеќе енергија. Доволни ви се 30 минути брзо одење, пливање или возење со велосипед дневно. Место да препуштите сè на случајноста подгответе ја храната што ја сакате и понесете ја со себе каде и да одите. Разните закуски од овошје, зеленчук, морски плодови или од цели зрна житари се одлична идеја за дружбите. Фактот дека сте си ја понеле својата храна не ја исклучува дегустацијата на нешто што ви изгледа вкусно, но би требало да се воздржите и да се обидете да се задржите на својата храна.
