Правила: Се разбира, дека одвреме – навреме на време ќе си дозволите некое „забрането“ залче, но потоа ветете си дека следниот ден ќе јадете само овошје и зеленчук. Како Французинките. Нивниот трик е – ако еден ден претераш, следниот редуцирај. Ако два дена претераш, два дена јади помалку и/или поздраво.
Направете пауза. Зацртајте си дека неколку часа нема ништо да јадете – па ниту нешто ситно, а особено не грицки. Така нема да си го расипете апетитот, а воедно и повеќе ќе му се радувате на здравиот и вкусен оброк кој ве очекува.
Житарки. Белиот леб заменете го со интегрален, место чоколадни снегулки консумирајте овесни, а место тестенини – компир (кој не е печен или пржен во масло).
При купување внимавајте да одбегнувате лоши производи. Се вели дека диетата почнува во продавница: ако пазарувате плански и уште во продавница се воздржите од купување лоши намирници, тогаш дома нема да имате залиха од чипс, кекс, чоколади…, па ситуацијата со неконтролирано „грицкање“ со време ќе се реши сама по себе.
Гответе сами. Така телото ќе го заштитите од несаканите конзерванси и скриени калории кои често ги има во готовите јадења. Ако баш не сте вешти покрај шпоретот, на интернет лесно ќе најдете безброј вкусни и едноставни рецепти.
П.С. Според едно истражување објавено во Health Psychology, јадењето кое сами ќе си го зготвиме ни е со поубав вкус.
Гответе кратко. Преварениот зеленчук е со помалку хранливи материи. Затоа секогаш е подобро да готвите кратко и на пониски температури.
Не јадете пред компјутер или телевизор. Апаратите ни го одвлекуваат вниманието, па не забележуваме колку храна му е доволно на телото. Освен тоа несвесно џвакаме, па голтаме големи парчиња храна, а тоа го исфрла од колосек варењето на храната. Затоа јадете свесно, добро џвакајте и уживајте во секое залче.
Јадете рано навечер. Треба да се одвикнете да јадете доцна. Меѓу последниот оброк и спиењето треба да поминат најмалку 3-4 часа.
Пијте течности. Се препорачува да се испијат најмалку два литри обична вода на дневно ниво. Ако ви е „здодевно“ во водата можете да додадете (но не премногу) свежо цеден лимон, сок од брусница или портокал – тие ќе додадат и малку витамини. Добра опција е и незасладен чај.
Консумирајте јаткасти плодови. Без разлика дали станува збор за лешници, ореви, бадеми, индиски или бразилски ореви, тие му даваат енергија на мозокот, а и заситуваат. Значи, ако имате потреба за меѓуоброк, совршена алтернатива се токму јаткастите плодови. Но не претерувајте имаат многу калории.
Едно јаболко на ден, го брка од вас лекарот! – стара, но вистинита изрека. Освен тоа треба да се држите до правилото овошје и зеленчук пет пати на ден. Сеедно дали во форма на смути или свежи, исечени на парчиња или цели. Важно да ги консумирате.
